Kondishonnan General PDF file

Masha danki pa bo interes den nos produkto. Pa tur kompra den nos pakus e kondishonnan aki ta konta. Bo por lesa e kondishonnan aki riba nos website (www.BonDiGro.com), nan ta disponibel den nos pakus i tambe a registrá nan na Korte den Promé Instansia di Boneiru. Si ta nesesario lo adaptá e kondishonnan. Pa abo ta konta e vershon ku ta korespondé ku e fecha di kompra di bo produkto.

E preis vigente ta poné riba e karchi di preis. Esaki bo ta haña òf huntu ku e produkto òf riba nos website. Por sosodé ku e preis menshoná ta inkorekto. Si esei ta e kaso BonDiGro por disidí pa ainda kobra bo e preis korekto, por ehèmpel si e preis ta desproporshonal abou i e no ta un promoshon.

Nos preisnan ta eksklusivo gastunan di transporte i/òf entrega. Pa esakinan ta traha areglonan apart.

Na BonDiGro bo por paga ku sèn kèsh, karchi débito, karchi krédito i nos propio Tarheta Bónus. Klientenan ku nogoshi ku ta registrá serka nos por tuma riba kuenta tambe.

Ta anunsiá promoshon- i ofertanan den pakus i/òf via nos website òf página di facebook “BonDiGro Supermarket”. Riba e aktividatnan promoshonal aki tin kondishonnan spesífiko di promoshon aplikabel, bou di kua e echo ku no por kambia e produktonan aki òf ku ta un kantidat limitá por kumpra.

Na BonDiGro bo ta kumpra e produktonan “Inventum” i “Tomado” kontra un preis ku ta 5% mas abou ku serka nos otro kontrinkantenan na Boneiru. Asina nos ta obligá nos mes pa sigui e kontrinkante fuerte i pèrkurá ku nos ta esun mas bentahoso. Si mester sosodé tòg ku nos kontrinkante ta ofresé e produktonan aki kontra un preis mas abou, nos lo adaptá nos
preisnan atrobe.

Pa e garantia di preis mas abou ta konta si e siguiente kondishonnan:

• E kontrinkante mester ta inskribí na Kamara di Komèrsio na Boneiru.
• E garantia di preis mas abou ta bálido dentro di 1 luna despues di kompra.
• Mester por kontrolá e diferensia di preis mediante un preis publiká / lista di preis aktual.
• BonDiGro ta realisá e kontrol aki.
• E kontrinkante mester ofresé eksaktamente e mesun artíkulo.
• Proveedó di internèt ta ekskluí.
• Ofertanan (temporal) spesial, barationan di bankrut i/òf benta por mayor, etc. ta ekskluí di e garantia di preis mas abou.

Rekohé produktonan ku a bestèl via Falki Express – Si ta trata di un produkto ku a entregá via Falki Express, ta konta ku for di e momento ku nos a manda un mensahe ku e produktonan ta kla pa rekohé, ku bo mester buska esakinan dentro di un siman, sino nos ta obligá pa fakturá bo e montante mínimo di US $50,= pa siman pa hür pa meter kúbiko for di e di dos siman.

Entrega di produkto / produktonan ku un volúmen grandi – Pa entrega di un produkto / produktonan ku un volúmen grandi, partidonan mester traha un palabrashon apart. Pa esaki ta konta entre otro e siguiente kondishonnan:

• Partidonan mester (manera a entregá e produktonan serka nos) traha un palabrashon por eskrito pa esaki dentro di un siman, kaminda ta menshoná e adrès pa entregá i e orario deseá.
• Lo fakturá un hür di US$ 50,= for di e momento ku e produktonan ta keda pará den nos depósito mas ku un siman.
• Lo no hasi entreganan na kamindanan di tera (off road).
• Lo fakturá US$ 50,= (pa Rincon US$ 60,=) pa kareda. Si na e momento ku a palabrá niun hende ta presente na e adrès, nos ta bai bèk ku e produktonan, pero bo ta obligá pa paga US$ 50,= si.
• Ta entregá e produktonan na momento numa ku a paga e gastunan di entrega.
• Nos ta hiba e produktonan te na e drempi di e promé porta riba e promé piso, kaminda ta hasi un inspekshon, kaminda bo tin ku firma ku a risibí e produktonan den bon estado. For di e momento ei e produktonan no ta kai mas bou di nos garantia i bo mes ta responsabel pa sigui trasladá e produktonan ribia propio rísiko.

Por trese un produkto bèk serka nos servisio pa kliente. Nos empleadonan ta kontrolá si e produkto ta bon i si e ta kumpli ku nos kondishonnan di debolbé, nos ta paga bo e montante pa kua bo a kumpr’é bèk. E término pa debolbé ta 1 siman despues di e kompra i mester bini ku e bòn. Bo mester debolbé un produkto mas tantu posibel den e empake original.

No ta tuma produktonan bèk, a ménos ku tin indikashon di un daño na e produkto. E siguiente produktonan no por debolbé tampoko:

• Tur produkto di HEMA.
• Produktonan di Falki Express ku a inspekshoná kaba.
• Produktonan “seyá” ku pa motibu di protekshon di salú no ta apto pa tuma bèk, manera skeiru di djente, aparato pa feita, i paresido.
• Ofertanan spesial.
• Aparatonan elektróniko usá.

Si un produkto no ta kumpli kompletamente ku nos kondishonnan di debolbé, nos lo wak kiko nos por nifiká ainda pa bo.

Si bo ke tin derechi riba garantia, bo mester notifiká esei na servisio pa kliente mustrando bo bòn di kompra.

Riba aparatonan elektróniko e siguiente kondishonnan ta vigente.

Término di garantia ora presentá e bòn di kaha di Bonaire Discount Grocery B.V. a.b.d.n

BonDiGro:

1. Riba produktonan elektrodoméstiko nobo (220 volt) tin 1 aña di garantia.
2. Reparashon òf remplaso di un produkto no ta kondusí nunka na prolongashon di e término di garantia. E promé fecha di kompra ta keda desisivo.
3. Bou di e garantia aki ta kai suèldu i e reparashon òf remplaso di piesanan defekto, basta si e trabou ta hasí pa mekánikonan di BonDoGro.
4. Nos no por duna garantia riba aparatonan 110V. (E ret di koriente na Boneiru ta traha ku 50 hz. Aparatonan di 110V di Merka ta traha riba 60hz).

Paga tinu: Garantia di fábrika e konsumidó mes mester regla ku e fabrikante.

Den e kasonan ku ta sigui no tin derecho riba garantia:

1. Raská, barst òf doblá den e ‘mantel’ , e tapa òf den e asesorionan di e aparato, ku ta mèldu 12 ora despues di entrega/rekohé.
2. Defekto na glas, material sintétiko òf piesanan di rùber, ku ta mèldu 12 ora despues di entrega / rekohé.
3. Si a eksponé e aparato na aire liber.
4. Daño okashoná pa welek, inundashon, pusha òf kai.
5. Defektonan debí na un posishon robes òf konekshon.
6. Defektonan debí na e instalashon eléktriko den e bibienda.
7. E usuario ta hasi uso robes i – si ta aplikabel – mantenshon insufisiente òf inkorekto òf defektonan ku ta bini di un instalashon i/òf posishon robes.
8. Interupshonnan no tékniko, manera por ehèmpel eliminá e asina yamá artefakto straño pa aparato – òf solushoná interupshonan ku artefakto straño pa aparato a kousá.
9. Karakterístikanan eksterior no ta kai bou di e garantia.
10. Lampinan di frishidèr, frizer, fòrnu, sekadó i stof.
11. Garantia ta kaduká si pone kusinchi i dekel furá den un mashin di laba paña di moda ku ta surgi daño.
12. Uzo impropio.

E garantia ta kaduká si:

1. Personanan no outorisá ta drecha òf renobá e aparatonan.
2. Personanan no outorisá habri e aparato.
3. E promé usuario no kumpli ku su eventual obligashonnan finansiero n.a.d. BonDiGro.
4. No ta kumpli ku palabrashonnan n.a.d. BonDiGro.

Apelashon no hustifiká riba garantia

Si un usuario ke hasi apelashon riba garantia, e usuario lo mester paga US$ 40,= adelantá pa hasi e investigashon. Si e keho ta kondusí na un apelashon hustifiká e ta haña e US$ 40,= aki bèk.

Nos ke drecha nos dunamentu di servisio ku muchu gustu i p’esei ta pidi bo pa tuma kontakto ku nos pa kompartí bo eksperensia ku nos na nos bali di servisio na kliente, pa asina huntu nos por buska un solushon apropiá.

Registrá lihé i simpel! Apliká pa un Tarheta Bónus na nos servisio na kliente na e di dos piso òf via e app ……. i risibí 1% na ‘loyalty dollars’ na kada kompra ku bo ta paga dirèkt na kaha!

Na momento di registrá i partisipá na e areglo di spar bo ta bai di akuerdo ku e siguiente kondishonnan.

Kondishonnan:

• Bo por usa e saldo positivo riba bo Tarheta Bónus pa paga bo kompranan hasí na BonDiGro.
• E petishon pa un Tarheta Bónus kosta tres dòler ku lo depositá mesora riba bo Tarheta Bónus.
• Por spar ‘loyalty dollars’ solamente ora bo mustra bo Tarheta Bónus/kódigo QR di BonDiGro na kaha.
• Por chèk e saldo positivo na tur momentu via bo app òf si bo puntra esei na nos servisio na kliente riba e segundo piso riba presentashon di bo identifikashon.
• E tarheta ta mará na persona òf empresa. Por duna mas ku un tarheta riba ún nòmber. Pa bo por partisipá na e areglo di spar aki bo mester ta 16 aña òf mas.
• Pa pago di kompra ku ‘loyalty dollars’ lo puntra pa bo identifikashon.
• Lo no tin pago bèk ku sèn kèsh pa produktonan ku a kumpra ku e Tarheta Bónus, maske tabata trata di un pago kèsh parsialmente.
• E areglo di spar no ta bálido pa empresanan ku ta kumpra riba kuenta.
• Lo no por hasi apelashon riba ‘loyalty dollars’ ku forsa retroaktivo.
• No por usa e ‘loyalty dollars’ pa pagonan ku tin di aber ku Falki Express.
• E kliente mes ta responsabel pa tene su informashonnan aktual.
• Den kaso di ladronisia di bo tarheta nos ta suplika bo pa mèldu esei mas lihé ku ta posibel na nos servisio pa kliente di moda ku nos por blòkia bo kuenta.
• No ta posibel pa transferí un saldo positivo pa un otro kuenta.
• BonDiGro ta respetá bo privasidat i nos ta pèrkurá pa trata e informashon personal ku bo a suministrá na nos di akuerdo ku e lei di protekshon di data vigente.
• BonDiGro ta reservá e derecho na tur momento pa terminá e programa di spar aki unilateral segun su propio kriteria òf hasi kambio na desbentaha di e kliente bou di e kondishon ku pa mas tardá 3 luna promé a informá e kliente via e-mail, sin ku ta mará na daño i perhuisio di ningun manera.
• E kliente por eliminá su kuenta na tur momento. Despues di e eliminashon tur bo ‘loyalty dollars’ ku bo tin disponibel ta kaduká.
• Si tin indikashon di un sospecho tokante aktuashonnan ilegal òf maluso, BonDiGro ta mantené e derecho kompleto pa blòkiá bo kuenta i kobra un eventual deskuento ku a duna inkorektamente bèk pa medio di un faktura.
• BonDiGro no ta – a ménos ku por papia di mal intenshon òf imprudensia konsiente – responsabel pa niun tipo di daño, dirèkt òf no dirèkt, ku a sufri relashoná ku partisipashon
  na e programa aki di spar.</>

1. Introdukshon

E maneho di privasidat aki ta splika kon Bonaire Discount Grocery B.V. ta trata datonan personal di kliente- i otro personanan enbolbí. Nos ta respetá bo privasidat i ta trata e datonan ku nos ta risibí di bo ku koutela.

2. Kua dato nos ta pidi?

Nos por pidi e siguiente tipo di datonan personal:

• Datonan di kontakto: Nòmber, adrès, adrès di e-mail, number di telefon.
• Informashon di pago serka suministradó- i partidonan ku por kumpra riba krédito: Number di kuenta di banko, informashon di karchi di krédito.
• Programa di lealtat: Number di kliente, historia di kompra, preferensianan.
• Datonan personal di empleadonan (si ta aplikabel).

3. Pakiko nos ta pidi e datonan aki?

Nos ta pidi datonan personal pa e siguiente metanan:

• Pa prosesá i entregá pedidanan.
• Pa atministrá bo kompranan dentro di nos programa di lealtat.
• Pa mehorá nos dunamentu di servisio na kliente.
• Obligashonnan legal, manera eksigensianan fiskal òf atministrashon di personal.

4. Kon largu nos ta warda bo datonan?

Nos ta warda datonan personal no mas largu ku ta nesesario pa e metanan ku nos a buska nan p’e, a ménos ku lei ta obligá nos pa warda datonan mas largu.

5. Ku ken nos ta kompartí bo datonan?

Nos ta kompartí datonan personal solamente ku:

• Suministradó- i personanan ku ta duna servisio ku ta yuda na momento di ehekutá nos servisio na kliente.
• Partidonan eksterno si nos ta obligá legalmente pa suministrá dato.
• Bou di ningun sirkumstansia nos ta duna bo datonan personal na terser persona.

6. Kon nos ta protehá bo datonan?

Nos ta tuma medidanan organisatorio apropiá pa protehá bo datonan personal kontra pèrdida òf prosesamentu ilegal. Esaki ta enserá entre otro:

• Limitá akseso na datonan finansiero òf personal na empleadonan outorisá.
• Usa website sigurá.

7. Bo derechonan

Bo tin derecho pa:

• Solisitá akseso na bo datonan personal.
• Pidi korekshon òf eliminashon di bo datonan.
• Oponé kontra uso di bo datonan pa merkadeo dirèkt.
• Hala bo pèrmit aden si prosesamentu di datonan ta sosodé riba base di pèrmit.

8. Kontakto

Pa pregunta òf keho tokante nos maneho di privasidat bo por tuma kontakto ku nos via customerservice@bondigro.com.

9. Kambionan den e maneho aki

Nos por adaptá e maneho di privasidat aki tempu tempu. Ta publiká eventual kambionan riba nos website.